Hey everybody, Aalu ki chaat ek sabse lajij aur laajawab chaat hain, jise kha kar aap wah-wah karne lagenge. Ek bar aap jaroor Aalu ki Chaat Recipe in Hindi ko ghar par bana kar try kare. Aalu ki chaat aksar rojana gharon mein banayi jati hain, kyuki yah ek simple aur aasan recipe hain.
Chaliye, Toh shuru karte hain.
Aalu ki Chaat ke liye Samagari
- 4/5 Aalu (madhaym aakar mein kate huye)
- Laal Mirch Powder (1/2 spoon)
- Bhuna Jeera Powder (1/2 chhota chammach)
- Chaat Masala (1/2 bada chammach)
- Imli ki chatni (Aawasyktanusar)
- Pudine ki hari chatni
- Dhaniya patta (1/2 bada chammach kata huya)
(Sajawat ke liye) - Tel (mustard oil) (Aawasyktanusar)
(Aalu ko fry karne ke liye) - Namak (sawadanusar)
- Piyaaj (Barik kata huya) (Garnishing ke liye)
- Tamatar (Barik kata huya) (Garnishing ke liye)
- Anar ke dane (Garnishing ke liye)
Aalu ki Chaat banane ki Vidhi
- Sabse pahle aap aalu ko chheel kar chaukor aakar mein thoda mota-mota kaat lijiye.
- Aab aap Gas ko ON kar le, fir ek pan mein tel daal kar garm kare. Aur aaluon ke tukdon ko tel mein daal kar naram aur halka brown hone tak fry karte rahe.
- Aab in fry kiye huye aaluon ko ek Bowl mein nikal kar rakh lijiye, fir iske upar namak (sawadanusar), laal mirch powder (1/2 chammach), bhuna jeera powder (1/2 chhota chammach) aur chaat masala (1/2 bada chammach) chhidake (yani burken).
- Aab upar se Imli ki meethi chatni aur pudine ki hari chatni daal dijiye.
- Aab aap chaat ko kate huye piyaaj, tamatar, anar ke dane aur dhaniya patte se sajaaye.
- Aapki chatpati aalu ki chaat tyar hain.
Note:- Yadi aapko hamari yah recipe pasand aaye. Toh hame comment karke jarur btaye,aur like, share karke hame motivate kare, taki ham aapko roj nayi-nayi recipe ke bare me jankari dete rahe.
